TERRITORIAL JOTTING THIRD WEEK OF NOVEMBER 2016

IHQ NEWS

 

France rama raltlan tam tak pem lutte Salvation Army-in tanpui

France rama raltlan pem lut tam tak an awm avangin ram hruaitute chuan Salvation Army te chu thawhpui tur leh a theih ang anga tanpui turin an sawm. Heng mite hi nun bul tana khawsakna tha zawk leh muanawm zawk beiseitute an ni. Salvation Army te chuan hun rei zawk daih tur tanpuina pein rawng an bawl mek a ni.

Colonel Daniel Naud Territorial Commander, France and Belgium Territory chuan hetiang hian a sawi: 'Ratlan tam takte chu Reims, Le Havre leh Paris-ah te an lo lut a, heng mite tan hian Territorial Headquarters building chhawng li lai chu an chenna tur siamsak nan kan luahkhat a, raltlan mi 130 te chu he hmunah hian an cheng mek a ni’ a ti.

Chenna hmun tur an siamsak bakah hian, ei leh in turte leh eizawnna mumal an neih theihna tur atan thiamthil zirtirin training te an pe bawk a. Tin, Paris-ah hian gymnasium pahnih chu raltlan 150 awmtir nan an hmang bawk. He hmun hi thuneitute hian Salvation Army enkawl turin an hmantir a, thawktu 11, social worker leh security te nen an awm vek a ni. Colonel Naud chuan heng gymnasium te hi mi tam zawkte’n an luah khat thuai ang tiin a sawi bawk.

Colonel Naud chuan Salvation Amry member, tanpuina hna thawktu an neihte thawhdan chungchang tha takin a sawi a. Heng thawktute hian mipui, harsatna tawktute tan hian inpekna thuk tak nen rawng an bawl thu a tarlang. Salvation Army te’n an lo ngaihsak dan hi a zahpuiawm lohin, mamawhtute leh mamawh hrang hrang atan rang takin an che chhuak thuai zel a. Ram hruaitute’n tanpuina hna Salvation Army kuta an hlan pawh hi thil ropui tak a nih thu a sawi bawk.

 

IET NEWS

 

2^nd Young People Decision Sunday: November ni 20, 2016 (Pathianni) hi India Eastern Territory Calendar of Events-a tarlan angin Corps leh Society hrang hranga Young People Corps te chuan Decision Sunday Vawi 2-na an hmang ang. He hunah hian Corps Officer te leh Young People Sergeant Major te kaihhruaina hnuaiah naupangte hun hmanpui an ni ang a, Pathian  tana an nun te hmang tura inhlan tharna hun buatsaih sak an ni ang.

Khawvel pum Salvation Army-in naupangte a humhalh tha hle a. An taksa, rilru leh thlarauvah Pathian duh dan ang taka an thanlen theihna tur leh Isua Krista ke bula hruai thleng ngei turin Corps, Division leh Territory level a naupang lam enkawtute chu min fuih a. Hei hian Social Institution hrang hranga thawktute leh in lama naupang enkawltute pawh a huam a ni.

India Eastern Territory pawhin Naupangte Venhimna chungchang hi ngaihpawimawhin naupang enkawltute leh kan enkawlna hmunte chu a himin, an taksa, rilru leh thlarau khawih chhe thei reng reng laka fihlim a, naupangte uluk tak leh hmangaih taka enkawl turin min ngen a ni.

 

Community Health and Education Progamme, Guwahati-ah Free Medical Check-up: India Eastern Territory-in Community Health and Education Programme Guwahati-a a kalpui mek chu CRPF atangin Dr H Lalrintluanga Dental Surgeon, Deputy Commandant ni bawk hovin Health Camp buatsaih sak an ni a. Thawktu engemaw zatin CRPF motor lian leh te te hmangin damdawi hmanraw hrang hrang te nen check-up an neih sak a. Mi 200 chuang an inentir a ni. Damdawi chi hrang hrang a thlawnin an sem a, an sem bang chu school tanpuina turin an pe nghal bawk a ni.

Tin, Sairang CO Bial Home League te pawhin Community Health and Education Programme hi a hmunah tlawhin Rizai 3 leh Cooker 10 litres an pe bawk.

 

3^rd Territorial Council Meeting: 3^rd Territorial Council Meeting Vawi 17-na chu November Ni 17 & 18, 2016 khan Booth Mansion Conference Hall, Territorial Headquarters-ah neih a ni. Territorial Council din tirh atangin tun hi term thumna a ni a. Territorial Council hmasa ber atanga chhiarin Territorial Council Meeting vawi 17-na a ni. Commissioner Lalngaihawmi Territorial Commander chuan Council hi a kaihruai. Territorial Council-ah hian India Eastern Territory chhunga rawngbawlna leh a kaihhnawih, Agenda 14 ngaihtuah a ni a. 3^rd Territorial Council ah hian mipa leh hmeichhia member, an vaiin 119 zingah mi 91, Division leh Institution te, Corps leh Society aiawh, Officer leh Local Officer te’n ni hnih chhung hian rorelna hun tha tak an hmang a ni.

Photos at flickr

 

Pre-Centennial Celebration: Pre-Centennial Celebration Inkhawmpui hman zawh taka theihtawp chhuaha items tihhlawhtling tute, zo taka thlengtu Aizawl Temple Corps te leh inkhawm hlawhtlinna tura lokal zawng zawngte avangin Territorial Headquarters chuan lawmthu a sawi a. Centenary thlenna turin hun rei lo te chiah kan nei ta a, mitinte’n dam taka kan thlena hlim taka kan hman theih ngei na turin Pathian hnenah tawngtaiin i dil chhunzawm zel ang u.

Photos at flickr

 

Red Kettle Service leh Christmas Parade: Kan hma lawka Krismas lo thleng turah mi harsa leh chanhaite’n Krismas hlim taka an hman theih nan India Eastern Territory chuan kum tina kan lo kalpui thin Red Kettle Service chu kalpui leh turin ruahmanna a nei mek a. Aizawl khawpui chhungah chuan December 10 – 17, 2016 hian neih tum a ni a. Tin, Division dangah pawh neih tura hmalak a ni bawk.

 

Christmas Parade pawh Traffic leh mipui nunphung tibuai lo zawngin December ni 11, 2016 chawhnuah neih turin ruahmanna a kalpui mek bawk a. Hemi hlawhtlinna tur hian Aizawl City Area chhunga Corps hrang hrangte chu lo inbuatsain turin Territorial Headquarters chuan min ngen a ni.

 

Tawngtai Campaign leh Tawngtai Inkhawmpui nei dawn: India Eastern Territory Centenary Celebration Prayer & Counselling Sub-Committee buatsaihin Mamit District Area (Centre 23) tân Țawngțai Campaign November ni 18 -20, November 2016 chhûngin neih a ni dâwn a, hemi rual hian Mamit Corps-ah Țawngțai inkhâwmpui neih a ni bawk ang. He hunah hian a duh apiang tel turin Prayer & Counselling Sub-Committee chuan sawmna a siam a ni.

 

Pdf version  Word version

Issued by Public Relation Department ® India Eastern Territory