TERRITORIAL JOTTING SECOND WEEK OF SEPTEMBER 2016

IHQ NEWS

Slovakia ramah Salvation Army rawngbawlna in kum khat a tling ta

Slovakia rama Salvation Amry a din atangin kum khat alo tling ta der mai. 'Šťastné Narodeniny Armáda Spásy' [Happy Birthday Salvation Army] tiin a champha hmasa ber pualin hun hman a ni a, International Headquarters hmalaknaa Slovakia ram rawngbawlna hlimthla (video) chu tlangzarh a ni bawk. Slovakia ram hi September ni 1, 2015 khan Salvation Army dinna ram 127-na atana hawn a ni.

Thla 12 chhung hian, Slovakia ramah Salvation Army a thang nasa hle a. An ram khawpui Bratislava Corps chuan chenna tur in neilo te tana chenna tur khawpuiah hian an buatsaih a. He hmunah hian Salvation Army te hian ei leh in tur an pek bakah, thawmhnaw leh zirna te an pe tel bawk a. Hriselna tha lo tanpui ngaite pawh an tanpuiin, chenna tur in an neih theihna turin nasa takin an tanpui thin a ni. Salvation Army enkawlna hnuaia awmte zinga a tam berte hi chu Pathianni Biakin inkhawm naah an lo tel thin a. An tisa mamawhna phurhuk sak chauh ni lovin, rilru leh thlarau zawna tanpui an ngaihna ah pawh Bratislava Corps te hian theihtawp chhuahin an tanpui thin a ni.

Slovakia ramah hian Roma hnam ho hi hnam dangte endawngin an awm a. Heng hnamte zingah hian retheihna te, eizawna mumal neih lohna te, suahsualna leh hrisel lohna a hluar em em a. Heng hnamte zingah hian Salvation Army chuan rawngbawlna a kalpui mek a.

IET NEWS

Social Services Sunday: September ni 11, 2016 (Pathianni) hi India Eastern Territory chuan Social Services Sunday atana hman turin a ruat a. Hemi pual hian Corps/Society hrang hrangte chuan mipui vantlang leh khawtlang tana thil tha tihna hun atana hmang turin ruahmanna te an siam a, biakin programme leh thusawi pawh helam hawi zawng hian kalpui a ni ang. Salvation Army kohhran hi a din tirh atang renga Pathianin mipui vantlang harsatna leh tawrhna hnuaia awm mekte hnena Isua Krista hmangaihna leh khawngaihna lantira rawngbawl sak tura a kohte kan nih angin, vawiin thlengin hetiang rawngbawlna hi a ngai hluin a ngaipawimawh hle a. A awmna ram sorkar leh khawtlang theihtawp chhuaha tanpui leh, khawtlang tana mi hnawksak ni lova, malsawmna thlentu ni zawk turin Salvation Army chuan member zawng zawngte a fuih reng a ni.

Centenary Organising Committee te’n Centenary Congress hmanna tur enho dawn: India Eastern Territory te’n Centenary Congress kan hmanna tur R Dengthuama Auditorium, Mualpui chu Centenary Organising Committee te chuan a huhovin September ni 11, 2016 (Pathianni) chawhnu dar 1:00-ah an enho dawn a. Sub-Committee hrang hrang aiawh te kalkhawmin a hmunhma thlirhona hun neih tur a nih avangin kim taka kal turin Centenary Organising Committee chuan ngenna a siam a ni.

Trade Supplies

Trade Department-ah hengte hi lei theihin a awm a, ngaihven theih a ni e.

• Centenary Tshirt
• Centenary puala uniform sen duh tan puanthan a awm
• Centenary logo chuang rawmawl (handkerchief)
• Mipa Uniform (suit) chi, Tikautex puan than tha a awm

Issued by Public Relation Department, THQ.