TERRITORIAL JOTTING SECOND WEEK OF OCTOBER 2016

IET NEWS

Self Denial Altar Service: India Eastern Territory chhungah October ni 9, 2016 (Pathianni) hian Self Denial (Mahni Inphat Thawhlawm) lakkhawmna hun urhsun taka hman a ni dawn a. Hemi pual hian Calendar of Event-a tarlan angin Corps tinah Self Denial Tawngtai Hapta chu hlawhtling taka hman zawh niin, hemi chhung hian tawngtaina tam tak Pathian hnenah thlen a ni a. Corps, chhungkua leh mimal tin pawhin mahni target theuh khum turin tan nasa takin kan la a, Pathianin hnehna ropui tak min siamsak ngei ang.

Territorial Headquarters chuan Self Denial rawngbawlna kalpuina chungchanga hma kan sawn zel theihna tura India Eastern Territory chhunga Salvation Army member tin te inpekna leh thahnemngaihna ropui a ti hle a; tin, Salvation Army thian tha, he rawngbawlna ngai hlutute avang pawhin Pathian hnenah lawmthu a sawi a, Self Denial Altar Service 2016 hlawhtling tak leh hlim taka hmang theuh turin Territorial Headquarters chuan duhsakna tha ber min hlan a ni. Self Denial Fund atanga thawhlawm tlingkhawm hi hetiang hian hman a ni:

5% hi Division Emergency fund atan Divisional Headquarters-ah pek let leh a ni.

10% hi Territorial Headquarters-ah Emergency fund atan hman a ni.

85% la bang chu a zat leh zatin International Headquarters leh Territorial Headquarters in kan insem.

Territorial Headquarters chanpual chu a vaiin Social Fund atan hman vek a ni.

Social Budget pumpui atanga 33% hi Self Denial Fund atanga hmuh a ni.

Kum 2015 ah khan Territory puma Self Denial thawhlawm hmuh zat chu Rs. 15,223,383.00 a ni.

Centennial Songsters Competition: Kum 2017-a India Eastern Territory Kum 100 (Centenary) lo thleng tur puala lawmna pakhat kal zelah Centennial Songsters Competition chu October ni 8, 2016 (Inrinni) khan Aizawl Temple Corps-ah neih a ni. He Competition hi Major S Biakliana Divisional Commander - Central South Division chuan hawnna leh Pathian hnena hlanna a nei a. Intihsiaknaa tel corps zawng zawngte hi Competition Committee in kaihhruaina a siam ang ngeiin corps-a section hrang hrang naupang atanga puitling thlengin an tel a, corps pum huapin intihsiaknaa tel tur hian hun engemaw chen atang khan rim takin an inbuatsaih a ni. Intihsiakna atan hian Salvation Army Hlabu ami No.426/466 leh 461 ah te intihsiakna neih a ni a. Hemi bakah hian Centenary Thupui behchhan hla – No.422 (Lieut-Colonel Kawlkhuma OF phuah) an sa bawk a ni. He intihsiakna inkhawmah hian Territorial Staff Songsters, Central South Division Songsters leh Central North Division Songsters te’n Pathian Fakna hla an rem.

Inrinni zan Tawngtai Inkhawmah Intihsiakna hrang hrang – Essay, Timbrel leh Songsters Competition-a Top 3 result puanna leh lawmman semna chu Lieut-Colonel Lalbulliana Secretary for Business Administration in a nei.

Tripura District-ah District Officers’ Quarters Hawnna, Officers’ Council leh Self Support Seminar nei turin kal: October ni 6 - 9, 2016 chhung hian Tripura District chhunga rawngbawlna hrang hrang nei turin Lieut-Colonel Zothanmawia, Secretary for Programme Administration leh Major Ramdinthari Varte Financial Secretary te chu an kal. Hemi hun chhung hian Tripura District Officers’ Quarters hawnna leh Pathian hnena hlanna te, Officers’ Council leh Self Support Seminar te an neih pui dawn a ni. Pu Sakhawliana Corps Treasurer Kanaan Corps leh Pu Thangpuia Corps Sergeant Major Dapchhuah Corps te’n an tawiawm bawk.

Water Project tlawh: Major Lalsangpuii Project Secretary chuan October ni 5 - 9, 2016 chhung hian Eastern Division chhunga Saikawt leh Hlangnoum-a Water Project kalpui mek chu a hmunah tlawhin hmasawnna a enpui. He Water Project kaltlang hian khawltang mipuite’n malsawmna tam tak an dawng mek a ni.

Consultation Meeting: India Eastern Territory hnuaia Vocational Training & Rehabilitation for Vulnerable Women Project kaltlanga Tailoring Centres panga te puala Consultation Meeting chu Major J Lalpianpuii Project Manager hovin October ni 4, 2016 (Thawhlehni) khan Community Health Action Network (CHAN) Conference Hall-ah neih a ni. He Meeting hi Lieut-Colonel Zothanmawia Secretary for Programme Administration in a kaihruai a, India Eastern Territory chhunga Tailoring Centres panga kalpui mek atangin report pekna hun leh an thawmhnaw thui phochhuahna hun neih a ni. He Project hian zirthiamna pek ringawt chu a tum ber a ni lova, zirlaite thlarau nun tih hmasawnna chu a tum lian tak a ni. Tailoring Centre tina zirlaite pual hian Day Camp buatsaih a ni a, Human Trafficking te, Child Protection leh Life Skill chungchangah zirtirna pek an ni a. Territorial Evangelical Ministry Speaker hova thlarau lam intuaitharna hun buatsaih sak an ni bawk thin.

Outreach Workers’ Seminar: October ni 7 - 9, 2016 chhung hian Darjeeling Corps-ah, Himalayan Division chhunga Outreach Workers te pualin Seminar buatsaih a ni. He Seminar hmanpui tur hian Major C Dawngliana Outreach & Evangelism Secretary,  Major H Manthangi Assistant Outreach & Evangelism Secretary, Pu Remlalnghaka CSM (R) leh Nuhliri Khiangte YPSM te an kal a. Hemi rual hian Himalayan Division chhunga Outreach Area leh Field thar te, Sikkim hmuna Salvation Army rawngbawlna te an tlawh nghal ang.

Central North Division-in Ramthar Veng-a Naupang 4 vanduaite ralna hun a hmang: Ramthar Venga naupang 4 vanduaina tawka boralte chu October ni 6, 2016 khan Central North Division chuan naupang pakhat Rs. 2000/- zelin a ral a. Heng ralnate hi Major Lalhmingthanga Divisional Youth Secretary te, Major Remsiami Corps Cadet Incharge leh Major Ramropuinghaki bialtu Commanding Officer te’n an chenna inah kalin an nu leh pate hnenah an hlana, Pathian thlamuanna dilin an tawngtaisak bawk a ni.

PRIASE Meeting: Territorial Headquarters kaihhruaina hnuaiah Territorial Staff Songsters, Territorial Staff Band, Central North Division Songsters leh Central South Division Songsters tangkawp chuan International Headquarters-in International Boundless Congress 2015-a Salvation Army Hlabu thar a tihchhuah ami hla thenkhatte hmangin Rust Memorial Hall, Aizawl Bazar Corps-ah October ni 9, 2016 (Pathianni) Chhandamna Inkhawm-ah Pathian Fakna Inkhawm neih tur a ni a, he inkhawma tel turin Salvation Army member te sawm kan ni e.

Issued by Public Relation Department ® India Eastern Territory