TERRITORIAL JOTTING SECOND WEEK OF JULY 2016

IHQ NEWS

Chief of The Staff in inkhawmpui hmanpui:

Commissioner Brian Peddle, Chief of the Staff leh a nupui Commissioner Rosalie Peddle, World Secretary for Women's Ministries te chuan Norway-ah Inkhawmpui an hmanpui a. Salvation Army member leh thian tha tam takin an lo lawm a. He Inkhawmpuiah hian Norway ram bakah a hnaiha awm Territory dang pathum atanga ram pasarih - Greenland, Denmark, Sweden, Latvia, Iceland leh The Faeroes atangte in palai an kalkhawm a, Chief of the Staff te nupa hi Speaker an ni. Inkhawmpui hi Nilaithawhtan zan atanga tan niin Pathianni zan thleng hun hman a ni a, programme hrang hrang neih a ni a. Training College (Raldo zirna hmun tia hriat) tlawhna hun te, Officers' Council te, kum 60 ching chunglam a bika inkhawmna hun te, Salvation Army Officer commissioned hun te hman a ni bawk. Inkhawmpui thupui 'Inthlakthleng danglamna' tih chu General John Gowans thusawi 'thlarau chhandamna hna thawh a, mi thianghlim chher chhuak tur leh mihring tawrhna hnuaia awmte chhawmdawl' tur kan nih hrereng chunga midangte rawngbawl sak zel turin Chief of the Staff chuan chona thuchah a sawi a ni. Heng bakah hian Pathian fakna leh chawimawina hun tha tak hman a ni a. Hmeichhe te tana a bik taka inkhawm buatsaihah chuan Commissioner Rosalie Peddle, World Secretary for Womens' Ministries chuan zawhna chhanna hun a hmang bawk. Naupang leh thalai puala inkhawm buatsaih a niin palai kal an tha hle a. Items benglut tak tak palaite atangin an nei a, Naupang leh thalai te hian Inkhawmpui zawh hian Summer Camp an neih chhunzawm dawn a, an thupui atan chuan 'Engemaw va ti rawh' tih hman a ni ang. Inkhawmpuiah hian Chief of the Staff te nupa bakah Territory pathum atang a hotu kalte chuan Inkhawmpui an ti phuisui hle a ni. Norway khawpuiah Hriatpuina Kawngzawh neih a ni a, mipui tam takin an zawm ve a, an hlut hle a ni. Inkhawmpui thupui 'Inthlakthleng danglamna' tih hmanga thusawi hrang hrangte chuan mite thinlungah thu sawiin Zahngaihna Thutphaha mi tam tak - mimal, nupa leh a huho tein Pathian Thlarau Thianghlim atanga tihdanglamna zawngtu tam tak lo penchhuakin tawngtaina hun an nei a. Heng tawngtaina te hian palai kalkhawmte ah danglamna a thlen ngei beiseina chuan inkhawmpui hmanpuitu hotute leh palaite ah lawmna nasa tak a thlen a ni.

 

IET NEWS

3^rd Territorial Evangelical Ministry (TEM) Speaker te hlanna neih a ni:

Territorial Evangelical Ministry Speaker (2016-2018) lak thar mi 15  te Pathian hnen a hlanna Dt.3^rd July 2016 Pathianni zan khan Ramhlun Corps Biakin ah neih a ni. He hun hi Lieutenant Colonel Zothanmawia Secretary for Programme Administration in a kaihruai a Major C.Dawngliana Evagelism Secretary in TEM Speaker te buatsaih dan leh lak an nih dan te a sawi hnuin Commissioner Lalngaihawmi Territorial Commander in hlanna leh tirhchhuahna hun a hmang. Commissioner Lalngaihawmi TC chuan Isuan a zirtir te hnen a a sawi kha vawiin a kan hnen ah pawh hian a la nung reng a Buh seng tur a tam hle sia a, mahse sengkhawm tu an tlem sia vawiin a kan hma a lo ding mi 15 te hian Lalpa tana sengkhawm hna thawk a chanchintha hril turin kalsan nei leh chan pawh huam a inpe te an ni a. Anmahni a vang hian Pathian chu chawimawiin awm rawh se a ti a, an mahni hlanna a nei nghal a ni. Pathian thuchah Lieutenant Colonel Davidson Varghese Chief Secretary in sawiin Kristian Kohhran ah hian Thuchah chu hmun pawimawh tak luahtu a nih angin Pathian thu puanchhuah chu an mawhphurhna a nih thu leh Pathian thatna chu an chung ah a awm zel tur thu te, mahni chanchin emaw mahni in tarlanna lam ni lovin mi ten chhandamna an neih theih nan a thuchah puang tu an nih in hriat reng a pawimawh zia te sawiin Kan thuchah puanchhuah chuan mite a tilawm mai ni ngawt lovin Pathian a ti lawm tur a ni a ti. Hun tawp ah Maj Vanlalthanga Divisional Commander Central North Division chuan inhlanna hun hawngin TEM Speaker thar te hian inhlanna an nei a Officer ten an lu chungah kut nghat in mal an lo sawm a ni. TEM Speaker te hlanna inkhawm ah hian Central North Division Songsters, Aizawl Temple Corps Band leh Ramhlun Corps Home League Timbrel Brigate te chuan Item tha tak tak an nei bawk.

 

Cadet te lawmluhna nei dawn:

Dt.10^th July 2016(Sunday) Thianghlimna Inkhawm ah Officer Training College a zir tur Cadet Messenger of the Gospel Session te lawmluhna Ramhlun Corps ah neih a ni dawn. Inkhawm hi Lt. Col Lalhmingliana Secretary for Personnel Administration in a kaihruai anga Lt.Col Lalhlimpuii Candidate Secretary in Cadet thar te hmelhriat tirna hun a hmang thung ang, Commissioner Lalngaihawmi Territorial Commander in Cadet thar te Pathian hnen a hlanna a neih zawh in Training Principal hnen ah Cadet te leh an Sessional Flag a hlan ang. Cadet thar te hnen atangin Testimony leh Zaipawl te ngaihthlak a ni anga Territorial Staff Songsters leh Central North Division Songsters te hnen a tangin Pathian fakna hla ngaihthlak a ni ang Territorial Staff Band te hnen atangin Pathian fakna rimawi ngaihthlak a ni anga Lt.Col Davidson Varghese Chief Secretary hnen atangin Pathian thuchah ngaihthlak a ni ang.

 

Soldier of Cross leh Evangelist Teacher te  Orientation neih a ni in tirhchhuahna neih a ni dawn:

Dt. 7^th July 2016 khan Soldier of Cross leh Evangelist Teacher  lak thar te Orientation Booth Mansion Conference Hall ah neih a ni a, Dt.10^th July 2016(Sunday) Chhandamna inkhawm ah hian Bazar Corps Central North Division ah Soldier of Cross leh Evangelist lak thar te hlanna leh tirhchhuahna hun hman a ni dawn. He hun hi Maj C.Dawngliana Outreach Secretary in a kaihruai anga Lt.Col Davidson Varghese Chief Secretary in hlanna leh tirhchhuahna hun a hmang ang a.  Commissioner Lalngaihawmi Territorial Commander hnen atangin Pathian thuchah ngaihthlak a ni ang

 

SlNo.	Name	Place of Appointment	Name of Appointment
1	Manen Rai	Sonada Outpost	Soldier of Cross
2	Begbadur Yelmo	Dhowk Jhora Basti	Soldier of Cross
3	Basudep Sarkar	Uttarkhagrabari	Soldier of Cross
4	Chillu Oraon	Saraswatipur	Soldier of Cross
5	Bikash Oraon	Patibari	Soldier of Cross
6	Birnoti Lalrosiami	Ngunlingkhua	Evangelist Teacher
7	Jacob Vanlalhruaia	Chawngte	Evangelist Teacher
8	K. Krossthanga	Chamdurtlang	Evangelist Teacher
9	C. Lalthangpuia	Tuisentlang	Soldier of Cross
10	C. Rualthankhuma	Chamdurtlang	Soldier of Cross
11	C. Ngurthanzama	Ramrikawn	Soldier of Cross
12	Laldinpuii	Lengte Outpost	Soldier of Cross
13	Vanneihkimi	Tuipuibari	Evangelist Teacher
14	Laltluanpuii	Tuipuibari	Evangelist Teacher
15	Betsy Lalhmachhuani	Dholcherra	Evangelist Teacher
16	Lalthazuala	Dholcherra	Evangelist Teacher
17	Lienkholal Ralte	Garodpunjee	Evangelist Teacher

 

Self Support Campaign Monitoring Meeting neih a ni:

Dt.8^th July 2016(Friday) hian Booth Mansion Conference Hall ah neih a ni a Campaigner te an kal tha hle. He Meeting hi Commr Lalngaihawmi TC in kaihruaiin Campaigner te lo lawmna tu leh thahnemngai taka theihtawp chhuah a Territory a intodelh theih nan a mahni hna tul tak tak te pawh kalsan a ngawrh taka Campaign tu te te a vang hian lawmthu kan sawi a ni, Hun lokal leh zel tur ah pawh theihtawp I chhuah zel ang u a ti a, Lt.Col Lalhmingliana Secretary for Personnel Administration chuan hmachhawp hrang hrang leh hmalak tawh dan te sawiin Seminar la neih pui ve hman chiah lo Team te pawh in neih pui ngei nise tiin ngenna a siam a ni. Devotion Lt.Col Zothanmawia Secretary for Programme Administration in hmang in facilitator a ni nghal a, Team hrang hrang te atangin Campaign leh Seminar report te ngaihthlak a ni in sawihona hun hlawk tak neih a ni bawk. Hun tawp ah Lt.Col Lalbulliana Secretary for Business Administration in lawmthu sawina te neiin in malsawmna in huntawp a siam a ni.

 

Territorial Staff Songsters lak thar te:

Territorial Staff Songsters atana diltute interview chu June ni 30, 2016 (Ningani) nilengin Territorial Headquarter-ah buatsaih a ni. Hetah hian a bik taka Staff Songsters Selection Board atana ruatte’n uluk takin interview-na hun an hmanpui a. Heng mi te hi lak thar an ni. Rebecca Lalnunpuii Gov’t Complex Corps, T.Lalrinengi Bethlehem Corps, Catherine Vanlalruati Bazar Corps, David Lalthazuala Chanmari West Corps, HS. Zosangliana Chanmari Corps leh Jack Lalhlimpuia Enna Corps te.

 

Temporary Change of Appointment:

Territorial Headquarters chuan heng a hnuai a mi te hi an awm hmun hetiang hian a siam rem,

1. Majors PC.Lalduhawma & Vanhmunliani Liaison Officer, Kolkata chu Manager - Modern English Higher Secondary School tur in(hun engemaw chhung chu an mahni in atangin an thawk ang).
2. Lieutenants George Lalramnghaka & Lalruatdiki Commanding Officer, Bilat CO Bial chu Liaison Officer Kolkata tur in.

Heng awm hmun sawn/siam rem te hi damlohna leh hrisel lohna avang a ni e.

 

 S.A.Y Dan bu thar lei theih:

S.A.Y Dan bu thar 2016 Edition chu lei theih a peih fel a ni ta. He dan bu hian chhut hmasa a mi ho kha a lo luahlan ta a ni. Territory, Division, CO Bial leh Corps/Society hrang hrang a S.A.Y Hruaitu te chuan neih theuh I tum ang u, bu khat man hi Rs.30/- zel a ni a THQ Trade ah ngaihven mai tur a ni e.

 

Issued by Public Relation Department, THQ.