TERRITORIAL JOTTING FIRST WEEK OF OCTOBER 2016

IET NEWS

Self-Denial Week of Prayer: Salvation Army te’n kum tina kan kalpui thin Self-Denial (Mahni Inphat Thawhlawm) pualin September ni 26 atanga October ni 1, 2016 inkar hian Beihrual Hapta ngawrh taka kalpui mek a ni a, Self-Denial zirlai zirho thin a ni. Beihrual Hapta chhung hian Corps tam zawkte chuan bial-ah inthenin mimal inah inkhawmna ‘Cottage Meeting’ an nei thin a, Biakin-ah a kharna inkhawm neih leh tum a ni. Tin, kar tluana Biakin inkhawm nei pawh an awm bawk. Calendar of Events te tihlawhtling tura Corps/Society tin te’n uluk taka programme siam a nih thin avangin Territorial Headquarters chuan Lawmthu a sawi a. Self-Denial thawhlawm lakkhawm tur atan pawh Pathian hnenah tawngtaina tam zawk thlen a, mitin te’n thawhlawm thawh tur kan neih theuh theih nan leh kan target kan khum ngei theih nan thanhnemngai taka Pathian hnena tawngtai zel turin min ngen bawk a ni. Self-Denial Altar Service chu October ni 9, 2016 (Pathianni) ah neih a ni ang.

National Day of Prayer: Commissioner Lalngaihawmi Territorial Commander chu October ni 1, 2016 (Inrinni) khan Lal Thanhawla Auditorium-a buatsaih, India ram pum tana tawngtai inkhawm - National Day of Prayer-ah hun a hmang. He inkhawmah hian Pu Lal Thanhawla Chief Minister chu khuallian niin, kohhran hrang hrang aiawh mi engemaw zat an tel a, Salvation Army atang pawhin Major Lalliankunga Training Principal - Officer’s Training College te, Commissioner Lalhlimpuii te, Bethlehem Corps Band leh Timbrel Brigade te’n hun an nei a, T Lalhmachhuani (Mimi) chuan inkhawm a kaihruai bawk.

Seminar on Zu, Immigration leh Yoga: Mizoram Theological Association buatsaihin Mission Veng Presbyterian Kohhran Hall-ah October ni 1, 2016 (Inrinni) khan Seminar on Zu, Immigration & Yoga neih a ni a. India Eastern Territory aiawhin palai 10 intirh niin, heng palaite hi Lieut-Colonel Zothanmawia Secretary for Programme Administration chuan a ho a ni.

Peace Training Programme 2016: North East India Christian Council leh Peace India Centre tangkawpin a buatsaih Peace Training Programme 2016 chu Shillong-ah neih a ni a. India Eastern Territory aiawhin Major R Lalbiakliana Editor & Literature Secretary, Territorial Headquarters leh Major Lalthlamuani Programme Coordinator, Guwahati te an tel.

Towards Self-Support Campaign for SA Institutions: India Eastern Territory chhunga Institution-a thawk lai Officers leh Employees te pualin September ni 23 & 24, 2016 khan Intodelhna chungchang Campaign chu Community Health Action Network (CHAN) Conference Hall-ah buatsaih a ni a, thawktu mi 25 an kalkhawm a ni. Ni hnih chhung hian an thawhna hmun mila inrelbawlna chungchang zirtirna hrang hrang pek an ni a. Sawihona leh zirhona hun tha tak an nei a ni. He campaign programme hi Major Vanlaltluanga Social Services Secretary-in a kaihruai a, Commissioner Lalngaihawmi Territorial Commander leh Lieut-Colonel Davidson Varghese Chief Secretary te bakah Cabinet Secretaries te’n thupui pawimawh tak tak zirtirin hun an hmanpui a ni.

Tailoring Centre visit leh Home League Local Officer Seminar: Lieut-Colonel Vanlalnungi Territorial Home League Secretary leh Major J Lalpianpuii Women Development Officer te chu Southern Division-ah ni hnih chamin an  kal a. September ni 28, 2016 khan Southern Division enkawl Tailoring Centre leh zirlai awmte tlawhna hun tha tak an nei a, Tailoring Board meeting an nei nghal bawk. September ni 29, 2016-ah Southern Division chhunga Home League Local Officers te puala Seminar buatsaih chu an ho nghal bawk a ni.

Territorial Headquarters in ral: Sakawrtuichhun khuaa Salvation Army chhungkaw awm chhun, Pu Ngurauva  nupui Pi Vanlalsawmi chu an hnathawhna hmun, quarry lung hal per avangin a boral a, September ni 29, 2016 (Nilaithawhtan) khan Territorial Headquarters aiawhin Lieut-Colonel Lalbulliana Secretary for Business Administration te, Lieut-Colonel Zothanmawia Secretary for Programme Administration leh Major Vanlaltluanga Social Services Secretary te chuan ralna thilpek Rs.5000/- hlanna leh tawngtai sakna hun an hmang. Chawlhhmun Bialtu Commanding Officer leh Local Officer te’n an tawiawm bawk.

Winter Season: October atanga February thla chhung hi Winter Season a nih avangin, Ceremony leh Biakin Inkhawmah Navy Blue Uniform hak alo hun leh dawn ta a, India Eastern Territory chhunga Salvation Army member te kan inhriattir a ni e.

Territorial Headquarters Office Hour pawh Winter Season chhung chu hetiang hi a ni ang.

09:30am to 04:00pm (Thawhtan atanga Zirtawp)

12:30pm to 01:00pm Chhun chawlh hman thin a ni.

Trade Department leh Charity Shop pawh 09:30am to 04:00pm (Thawhtan atanga Zirtawp); tin, Inrinni bikah 09:30am atanga 12:00 noon thleng hawn a ni bawk. Heng hun chhung hian dawr theih reng an ni.

Hetiang hian October thla atanga hman tan tur a ni ang.

Central North Division News:

Young People Band Member Ropuina ramah: September ni 23 – 25, 2016 chhung khan Central North Division Western Section chuan Darlak Corps-ah Salvation Army Youth Rally an nei a. Inrinni-a Sports hawn naah Mamit Corps YP Band te’n item tha tak an nei a. Sports neih lai hian Lalrinawma kum 12 (s/o JH Lalrinliana Colour Sergeant) Mamit Corps YP Band member zinga mi chu a thiante nen tui an cheng a, an tui chennaah hian Lalrinawma hi vanduaithlak taka chesualin tuiah hian a tla hlum hlauh mai a. Sports neih lai pawh chu titawpin, Rally palaite leh khawtlang mipui pungkhawmho hmaah,  Major Lalhmingthanga Divisional Youth Secretary-in tawngtaina hun hmangin a thlahliam a, a tuk September ni 24, 2016 (Pathianni) ah Captain Isaak Lalremruatkima, bialtu CO in a vui a ni. Lalrinawma hi Central North Division, Divisional Headquarters chuan Rs.5000.00 in a ral a, Division Salvation Army Youth Council-in Rs.2000.00 in an ral bawk.

Issued by Public Relation Department ® India Eastern Territory