TERRITORIAL JOTTING FIRST WEEK OF OCTOBER 2016

IHQ NEWS

 

Salvation Army Rawngbawlna ram 128-na ‘Madagascar ramah hawnna leh Pathian hnena hlanna neih a ni ta’

Africa khawmuala Madagascar ramah Salvation Army rawngbawlna Commissioner Joash Malabi Territorial Commander-Zimbabwe Territory chuan October ni 23, 2016 khan hawnna leh Pathian hnena hlanna a nei a. He inkhawm hi Alakamisy khuaah neih a ni a, International Headquarters atangin Major Isaac Siundu Under Secretary for East & Southern Africa leh Major Judith Nkounkou Assistant Under Secretary for Africa te bakah Zimbabwe Territory atangin Salvation Army member thahnem takin an hmanpui a. Sorkar leh ram hruaitu pawimawh tak tak te pawh he hunah hian an tel a, an zingah hian Mayor of Alakamisy leh kohhran hruaitu dang te an tel bawk a, mi 500 velin hun urhsun takin an hmang a ni.

Pathianni-a a hawnna inkhawm neih hma hian Inrinni-ah Fakna Inkhawm hman a ni a. Major Isaac Siundu hnen atangin Pathian thuchah, fuihna thu tha tak ngaihthlak a ni. October ni 23, 2016 (Pathianni) chuan Commissioner Malabi chuan hawnna hun urhsun tak a hman hnuah mipui kalkhawmte chu a duh apiang Biak in chhunga luta Pathian chibai buk turin a sawm a. Inkhawmah hian Commissioner Florence Malabi Territorial President of Women’s Ministries thusawi chuan, “Madagascar-ah hian Salvation Army te hian Isua Krista kan thlen a ni lova, Isua Krista zawkin Madagascar-ah hian Salvation Army te min hruai thleng a ni” tiin a sawi a. Salvation Army te hian Madagascar-a hnam tin hnenah rawngbawlna kawng hrang hrang kaltlanga Pathian hmangaihna thlen chu an tum ber a ni.

Madagascar Salvation Army rawngbawlnaa hman tur Mei leh Thisen Puanzar hmasa ber chu Commissioner Joash Malabi chuan Major Kiala kutah a hlan a. Madagascar Mayor pawhin Salvation Army rawngbawlna an nei tur chungchanga a lawmthu leh theihtawp chhuaha an tanpui tur thu a sawi bawk. Inkhawmah hian Sipai Puitling 8 leh Naupang Sipai 6 te lakluhna leh Pathian hnena hlanna neih a ni a, Madagascar rama rawngbawlnaa hman tur lirthei pawh hlan nghal a ni.

 

IET NEWS

 

Territorial Young People Council hmasa ber hawnna leh Pathian hnena hlanna neih a ni dawn: India Eastern Territory chuan a hmasa ber atan Territorial Young People Council chu a din dawn ta a. Hun rei tak chhunga ruahmanna lo awm tawh chu Territorial Finance Council chuan pawmpuiin, November ni 6, 2016 (Pathianni) Thianghlimna Inkhawmah hian Aizawl Bazar Corps-ah Commissioner Lalngaihawmi Territorial Commander chuan hawnna leh Territorial Young People Council member hmasa berte Pathian hnena hlanna a nei nghal dawn ani. Hemi rual hian TYPC Council Guidelines leh Junior Soldier Preparatory Lesson hlanna a nei nghal bawk ang. Hetiang hian programme hman a ni ang:

PROGRAMME FOR

LAUNCHING OF TERRITORIAL YOUNG PEOPLE COUNCIL AND DEDICATION OF TYPC MEMBERS

 

Leader                  : Lieut.Colonel Zothanmawia Secretary for Programme Administration

Items:

Aizawl Temple YP Singing Company

Chanmari YP Corps Band

Ramhlun YP Corps Timbrel Display

Launching of Territorial Young People Council and dedication of members

by Territorial Commander supported by Territorial Youth Secretary

Items:

Bethlehem YP Singing Company

Ebenezer YP Cradle Rolls & Beginners

Armed Veng YP Corps Band

Release ceremony of Junior Soldier Preparatory Lesson and TYPC Guidelines

by Territorial Commander supported by Territorial Children’s Officer

 

Message              : Commissioner Lalngaihawmi Territorial Commander

Benediction       : Captain T Zothanmawia Divisional Youth Sectary Western Division

Zai hruaitu          : Khatla YP Corps

 

Self-Reliance Initiative Training nei turin USA Western Territory-ah kal: Kum 2017 atanga India Eastern Territory te’n Self Support Territory ni tura kan hmalak zelna tur atana training nei turin Major Lalsangpuii Project Secretary leh Major Ramdinthari Varte Financial Secretary te chu USA Western Territory-ah an cham mek a, training hrang hrang an neih hnuah November ni 15, 2016-ah Aizawl an lo thleng leh ang.

 

Territorial Salvation Army Youth General Council Vawi 15-na hlawhtling taka neih a ni: October ni 28 – 30, 2016 chhung khan Territorial Salvation Army Youth General Council vawi 15-na chu Serchhip Corps, Central South Division-ah neih a ni a, Division hrang hrang leh TSAYC rorel palai te an kal tha hle. Rorel inkhawm October ni 29, 2016 (Inrinni) nilengin neih niin Session 1-na chawhmaah Captain K Lalrinpuia Territorial Youth Secretary TSAYC Leader ni bawk chuan Rorelna a kaihruai a, agenda 13 sawiho a ni. Kum 2017 chhung-a Territory puma Salvation Army Youth te hmalakna tur hrang hrang sawiho a duan a ni. General Council chuan TSAYC in a kalpui mek Mission 100 & Beyond kalpui zel dan tur leh Social Enterprise lama hmalak dan tur te, Salvation Army Home hrang hranga awm te tana hmalakna tur rel a ni a. Kum 2017-a India Eastern Territory Centenary puala Territory pum huapin a thlawna thisen pek runpui leh thingphunna te, Centenary mei det-na te neih nise tiin an rel bawk. Kum 2020 Youth Congress chu Central South Division-in thleng tura ruahman niin, heng bakah hian hmalakna tur hrang hrangte ruahmanna siamho a ni. Chawhnu lamah Budget sawihona neih leh a ni a, sawihona hi Malsawmtluanga Ralte Assistant Corps Secretary-Asst.Leader TSAYC in kaihruaiin, Er.Lalremmawia Financial Secretary-in Finance report pe in Budget sawifiahna leh pharhna a nei a lungrual takin 2017-2018 Budget atan Rs.8,01,600.00 chu pawm a ni. Kum 2017 Action Plan hetiang hian duan nghal a ni:

1. April                  : Blood Donation/Centenary mei det

2. June                  : S.A.Y Sunday/Centenary pual thingphun

3. August             : Thianghlimna Campaign

4. September    : Leadership, SA Administration Training

5. October           : Rising day/General Council

TSAYC Action Plan dungzui hian Division SAY Council-in Action Plan a siam ang a, Division Action Plan dungzuiin Corps SAY ten Action Plan an siam ve leh ang.

Inrinni zan (Tawngtai Inkhawm) atangin Pathianni zan (Chhandamna inkhawm) thleng Vantlang inkhawm neih a ni a, Territorial Staff Band, Territorial Staff Songsters, Central South leh North Division Songsters, Bazar CO Bial, Keifang CO Bial, Chaltlang CO Bial leh Serchhip CO Bial Songsters te, Thingsulthliah Corps leh Serchhip Corps Songsters te ‘n Pathian fakna hla mawi takin an rem a. Esther Lalrinhlui Chaltlang Corps-in Pathian fakna hla a sa thin bawk a ni. Lieut-Colonel Zothanmawia Secretary for Programme Administration, Captain K Lalrinpuia Territorial Youth Secretary leh Major Lalhmingthanga Divisional Youth Secretary Central North Division te hnen atangin Pathian thuchah nung tak ngaihthlak a ni bawk. Pathianni zan Chhandamna inkhawmah hian Zahngaihna Thutphah hawn niin thalai hruaitu tam tak te Pathian hnenah thinlung leh tihtak zetin an inhlan tharna hun a hmang a ni.

Mission 100 and Beyond bawhzuina Tripura lamah: November ni 4 – 7, 2016 chhung hian Mission 100 & Beyond Western Division partner atana ruat Tripura Area tlawh turin Kolasib Corps Salvation Army Youth te chu an inbuatsaih mek a. November ni 4, 2016 (Zirtawpni) ah chhuakin Pathianni an hmang ang. Pathianni inkhawm hi Bial huapin Pawlkua Society-ah an nei ang. Bial chhunga Society 2 tan Syntex bakah Pawlkua Society tan tangka faiin tanpuina pek an tum a, uniform leh secondhand thawmhnaw sem tur an keng bawk a ni. Secondhand thawmhnaw bik hi Pawlkua Society te hian a tul angin sumah an chantir anga Krismas luan chhuah nan an hmang vel leh dawn a ni.

 

LPS 12 GOSPEL CHANNEL-ah nitin darkar khat Salvation Army te’n hun nei dawn: November ni 1, 2016 (Thawhlehni) zan khan LPS Channel 12 (Gospel Channel) chu hawn a ni a. Salvation Army aiawhin Captain K Lalrinpuia Territorial Youth Secretary chuan thusawina hun a hmang a, Esther Lalrinhlui Chaltlang Corps-in Pathian Fakna hla a sa bawk a, SACNET Staff Danny leh Jonathan te’n an tawiawm bawk a ni. Kohhran hrang hrang Baptist Church of Mizoram, United Penticostal Churh (NEI), The Salvation Army, Mizoram United Penticostal Church, Roman Catholic leh Seventhday Adventist te’n nitin darkar inchhawka programme neih a ni dawn a, programme neih dan turah hian LPS nen inremna ziakin Kohhran hrang hrangte hian darkar chan tur pawh, pawh fel vek a ni. Salvation Army te’n kan hun chan tur chu zan dar 7:00 leh 8:00 inkar a ni a, nikhat chhungin vawi 3 dang chhuah nawn a ni ang a, chung hunte chu: 01:00am – 02:00am; 07:00am – 08:00am leh 1:00pm – 2:00pm te an ni a. Hemi chhung hian en theih a ni ang. Tin, LPS 12 Gospel channel kaltlanga programme benglut bik chhuah duh neite chuan Territorial Headquarters-ah inhriattir tur a ni e. LPS 12 Gospel channel hun chhunga mimal emaw a huhova advertisement ti duh tan pawh tih theih tura ruahman a ni.

 

Blind School, Kolasib te’n Sorkar atangin tanpuina dawng:

Blind School, Kolasib te chuan National Institute for Locomotors Disabilities (NILD) hnuaia Aids & Appliances Distribution Programme for Persons with Disabilities (Divyangjan) atangin November ni 3, 2016 (Nilaithawhtan) khan Ramhlun South Indoor Stadium-ah tanpuina an dawng a. He tanpuina hi Central Sorkar atangin Shri Thaawarchand Gehlot Social Justice & Empowerment Minister chuan a hlan a ni. BA zirlai chin tan Smart Phones 2 an dawng a, HSSLC zirlai chin tan Daisy Player                 (with sound) 2 an dawng a, High School zirlai chin tan Calculator, Alarm Clock, Sana leh Money Checker (pawisa check-na) mi pathumin 1 theuh an dawng bawk a. Heng hmanrua te hi mitdel hman tura a bik taka siamte an ni. Hemi bakah hian Locomotors (wheel chair) an la dawng dawn bawk a ni. Heng thilpek avang hian incharge officer leh blind school zirlaite chu an lawm hle a ni.

Pre-Centenary Congress Celebration: Pre-Centenary Congress Celebration chu November ni 12 & 13, 2016 hian Aizawl Temple Corps-ah neih tur a ni. Inkhawm hi Inrinni zan Tawngtai Inkhawm atanga tanin a tuk Pathianni nileng inkhawmna hun neih tur a ni a, Pathian fakna leh chawimawina items hrang hrangte, zaihona leh Pathian thuchah ngaihthlak hona neih a ni dawn a. He Pre-Centenary Inkhawmpuia tel tur hian Territorial Headquarters chuan mi zawng zawng a sawm a ni.

 

Trade Supplies

Trade Department-ah Centenary puala bag, rawng chi thuma siam chu lei theihin a awm ta a, a man chu Rs.800/- a ni e. Heng bakah hian lehkhabu, naupang leh puitling chhiar theih chi hrang hrang a thleng thar bawk a, ngaihven theih a ni e.

 

Issued by Public Relation Department ® India Eastern Territory